ოთხშაბათს: 14:15 განმეორებითი ჩვენება კვირას: 13:25 უახლესი ინფორმაცია და სასარგებლო რჩევები ჯანმრთელობისა და სილამაზის აუცილებელ და პოპულარულ საკითხებზე ფართო აუდიტორიისათვის. სიუჟეტების თემატიკა: რეპორტაჟი საოპერაციოდან, სიახლე მედიცინაში, სეზონური პრობლემა, ერთი პაციენტის ისტორია. გადაცემის მეორე ნაწილი ეთმობა სტუმრად მოწვეულ ექიმს. გადაცემაში ასევე განიხილება ჟურნალ „მკურნალის“ თვის ნომერი.

სამშაბათი: 12:30 განმეორებითი ჩვენება სამშაბათს და კვირას: 8x ჯამური შემეცნებითი და პრაქტიკული გადაცემა ყველაფერზე, რაც უნდა იცოდეთ! საოჯახო-საყოფაცხოვრებო ტექნიკა, ექსტერიერი, ინტერიერი, ფლორა, ფაუნა, ეტიკეტი, ჯანსაღი ცხოვრების წესი, ესთეტიკა, ჯანმრთელობა და უამრავი სხვა. გადაცემამ მაყურებელს უნდა შეუქმნას მკაფიო წარმოდგენა თემის მნიშვნელობაზე და პასუხი გასცეს ყველა შესაძლო შეკითხვას. მაყურებელი შეიტყობს მისთვის აქამდე უცნობ სიახლეებს. ისწავლის როგორ უნდა მოუაროს სხვადასხვა ნივთებს, რა უპირატესობა ან ნაკლოვანება შეიძლება გააჩნდეთ მათ და სხვ.

პარასკევი: 10:50 - 11:00 6x განმეორებითი ჩვენება სამშაბათს და ოთხშაბათს: 10x ჯამური ფართო საზოგადოების კარგად ცნობილ ღვაწლმოსილ ადამიანებთან ინტერვიუს არასტანდარტული ფორმატი, მოქნილი, დინამიური და მაქსიმალურად რესპოდენტის გულწრფელობაზე ორიენტირებული საუბარი. რესპოდენტი ბლიცის ფორმატში იღებს კითხვას და ცდილობს ისე დაასრულოს ფრაზა, როგორც მისთვის კომფორტული და საინტერესო იქნება. გულახდილი, ცხოვრებისეული კითხვები, რომელიც რესპოდენტს საშუალებას აძლევს გაიხსნას და მაქსიმალურად ღიად ისაუბროს ამა თუ იმ მისთვის მნიშვნელოვან, მტკივნეულ თუ სასიამოვნო დეტალებზე. თემები შეეხება ბავშვობას, ადრეულ წლებს, მოგონებებს, შეცდომებს, სინანულს, სიხარულს და სხვა ცხოვრებუსეულ და ადამიანურ განცდებს. როგორც წესი, ინტერვიუში მაყურებლისთვის მეტად საინტერესოდ წარმოჩინდება რესპოდენტის პროფილი.

ორშაბათი: 10:30 - 10:45 განმეორებითი ჩვენება ორშაბათს და შაბათს: 10x ჯამური თითოეული გადაცემა ეთმობა საზოგადობისათვის ნაკლებად ცნობილ ადამიანებს, რომელთა საქმიანობა და პროფესიონალიზმი იმსახურებს საზოგადოების ყურადღებას. გადაცემის მთავარი იდეა მდგომარეობს იმაში, რომ საყვარელი საქმის თუ პროფესიისადმი ერთგულება და თავდადებული შრომა გვეხმარება, რომ ვიყოთ თვითრეალიზებული, უკეთ შევიცნოთ საკუთარი თავი და უბრალოდ გავხდეთ უფრო ადამიანური. გადაცემა სრულიად თავისუფალია ჟურნალისტის საკვნძო ტექსტისგან და რესპოდენტი თავად არის თავისი ამბის მთხრობელი, რაც მეტად ბუნებრივს და ემოციურს ხდის გადაცემას.

ორშაბათი: 12:25 განმეორებითი ჩვენება ორშაბათს და შაბათს: 8x ჯამური გადაცემის მიზანია ფართო საზოგადოებას წარუდგინოს ცნობილი მსოფლიო ბრენდების ისტორიები, მათი შექმნისა და განვითარების მნიშვნელოვანი ეტაპები და წარმატების მაგალითები. ერთი მხრივ, თითოეული მეგა ბრენდის ისტორია არის საინტერესო მისი მომხმარებლებისთვისა და ფართო საზოგადოებისთვის, ხოლო მეორე მხრივ, ბიზნეს სამყაროს წარმომადგენლებისთვის, ვინც ფლობს საკუთარ ბიზნესს ან ფიქრობს შექმნას ახალი, რისთვისაც ძალიან სასარგებლოა წარმატებული ბრენდების გამოცდილების გაზიარება.

ოთხშაბათი: 12:25 განმეორებითი ჩვენება ოთხშაბათს და კვირას: 8x ჯამური შემეცნებითი გადაცემა სხვადასხვა საგნის დროში მოგზაურობას ასახავს, მისი შექმნის საწყისებიდან დღევანდელ დღემდე. ამა თუ იმ ნივთის ისტორია განსხვავებულ კულტურაში საინტერესო ტრანსფორმაციას განიცდის და ხშირად ეროვნული იდენტობის ნაწილიც კი ხდება. დრო, როგორც წესი მნიშნელოვანი ფაქტორია, რადგან ტექნოლოგიური პროგრესი სხვადასხვა გავლენას ახდენს მოცემულ დროში ფუნქციურად მნიშვნელოვან ნივთზე, რომელიც ზოგჯერ სრულიად კარგავს მნიშვნელობას ან ფორმას იცვლის. ნივთების ევოლუციის გზა იმავდროულად კაცობრიობის განვითარების პროცესთანაც იკვეთება. მომდევნო გადაცემები შეიძლება მომზადდეს ისეთ საგნებზე როგორებიც არის: მობილური ტელეფონი, ტელევიზორი, საათი, მინა, ვიდეო აპარატი, ვიოლინო, თიხა, ჭადრაკი, საყურე, წიგნი, და ა.შ.